“မိမိတို့ ယနေ့ဆင်နွှဲနေတဲ့ ခုခံတော်လှန်ရေးဟာ ကရင်နီတစ်မျိုးသားလုံးရဲ့ ပျောက်ဆုံးနေတဲ့ အမျိုးသား ဂုဏ်သိက္ခာတွေကို ဖော်ထုတ်ဖို့အပြင် မဟာစစ်ဝါဒီတွေရဲ့ မတရားတဲ့ ကျူးကျောက်စစ်ကို ပြန်လည် တွန်းလှန်ခုခံတော်လှန်နေတဲ့ တရားမျှတသော လက်နက်ကိုင်တော်လှန်ရေးဖြစ်တယ်။ မိမိတို့ဟာ နယ်ချဲ့စစ်အာဏာရှင်များရဲ့ လက်အောက်မှ ကရင်နီပြည်ကြီးရဲ့ အချုပ်အခြာအာဏာကို လက်လွတ်ဆုံးရှုံးခဲ့ရပြီး လူမျိုးတစ်မျိုးရဲ့ ဂုဏ်သိက္ခာ၊ လွတ်လပ်မှု၊ တရားမျှတမှုနဲ့အတူ ကိုယ်ပိုင်ပြဌာန်းပိုင်ခွင့် အခွင့်အရေးတွေကို ပျောက်ကွယ်လာခဲ့ရတာ နှစ်ပေါင်း (၇၄) နှစ် တိုင်တိုင် ရှိခဲ့ပါတယ် . . . မိမိတို့ရဲ့ သမိုင်းပေးတာဝန်တွေ မပြီးဆုံးမခြင်း ဆက်လက်တိုက်ပွဲဝင် နေရဦးမှာ ဖြစ်ပါတယ် . . .”