Sub-title:
“ ကရင်နီအမျိုးသားများကာကွယ်ရေးတပ် (KNDF) နှင့်ပက်သက်သော ကြေညာချက် ”
ဖော်ပြချက်/အကြောင်းအရာ:
"ကြေညာချက် အမှတ် (၅ /၂၀၂၁)
၁၃၈၃ ခုနှစ်၊ နတ်တော်လဆန်း ၁၀ ရက်
(၂၀၂၁ ခုနှစ် ၊ ဒီဇင်ဘာလ ၁၃ ရက်)
“ ကရင်နီအမျိုးသားများကာကွယ်ရေးတပ် (KNDF) နှင့်ပက်သက်သော ကြေညာချက် ”
၁။ ကရင်နီအမျိုးသားများကာကွယ်ရေးတပ် (KNDF) သည် ကရင်နီတပ်မတော် (KA) နှင့်အတူလက်တွဲ၍ စစ်အာဏာရှင်စနစ် ဆန့်ကျင်တော်လှန်ရေးတွင် တပ်ဦးမှတွန်းလှန် တိုက်ခိုက်နေသော တပ်ဖွဲ့ဖြစ်သည်။ KNDF သည် စနစ်ကျသော ဖွဲ့စည်းပုံ၊ စစ်ဦးစီးမှု၊ ခိုင်မာသော မူဝါဒများဖြင့် ကရင်နီပြည်အတိုင်ပင်ခံကောင်စီ (KSCC) ၏ ကြီးကြပ်မှု အောက်တွင် ရပ်တည်လျက်ရှိသည်။
၂။ KNDF သည် ဒေသအတွင်းရှိ ပြည်သူ့ကာကွယ်ရေးတပ်မတော်(PDF)တပ်ရင်းတပ်ဖွဲ့များနှင့် ပူးပေါင်း ဆောင်ရွက်ကာ စစ်အာဏာရှင်စနစ်ချုပ်ငြိမ်းရေးနှင့် ဖက်ဒရယ်ဒီမိုကရေစီပြည်ထောင်စု ပေါ်ပေါက်ရေးအတွက် တိုက်ပွဲ ဝင်နေသည့် တော်လှန်ရေးအဖွဲ့အစည်းဖြစ်သည်။
၃။ ထို့အပြင် KNDF သည် ကာကွယ်ရေးဝန်ကြီးဌာန (အမျိုးသားညီညွတ်ရေးအစိုးရ) နှင့်လည်း မြေပြင်စစ်ရေး၊ နိုင်ငံရေးအခြေအနေများကို စဉ်ဆက်မပြတ် ချိတ်ဆက် ဆောင်ရွက်လျက်ရှိသည်။ သို့ဖြစ်၍ ကရင်နီအမျိုးသားများ ကာကွယ်ရေးတပ် (KNDF) သည် ကရင်နီပြည်ပြည်သူ့ကာကွယ်ရေးတပ်ဖွဲ့ဖြစ်ပြီး ကာကွယ်ရေးဝန်ကြီးဌာန (အမျိုးသားညီညွတ်ရေးအစိုးရ) က အသိအမှတ်ပြု၊ ပူးပေါင်း ဆောင်ရွက်နေသည့် အဖွဲ့အစည်းဖြစ်ကြောင်း ထုတ်ပြန် ကြေညာအပ်ပါသည်။
ပုံ
ရည်မွန်
ပြည်ထောင်စုဝန်ကြီး
ကာကွယ်ရေးဝန်ကြီးဌာန
အမျိုးသားညီညွတ်ရေးအစိုးရ..."
ရင်းမြစ်:
Ministry of Defence - National Unity Government of Myanmar
Date of Publication:
2021-12-13
Date of entry:
2021-12-13
Grouping:
- Individual Documents
အကြောင်းအရာ/အမျိုးအစား:
Countries:
Myanmar
Language:
Burmese (မြန်မာဘာသာ)
မှတ်တမ်း:
ပုံစံ:
pdf
အရွယ်အစား:
174.92 KB
Resource Type:
text
Text quality:
- Good