"အဆင့်မြင့်ပညာရေးတွင် ဘာသာစကားရွေးချယ်မှု - စိန်ခေါ်မှုများနှင့် အခွင့်အလမ်းများ မြန်မာနိုင်ငံတွင် အဆင့်မြင့်ပညာရေးအတွက် အကောင်းဆုံးသော သင်ကြားမှုဘာသာစကားမှာ အင်္ဂလိပ်စာ ဖြစ်ပါသလား။ အကယ်၍ ထိုသို့ဖြစ်ခဲ့သည်ရှိသော် မူလတန်းနှင့် အလယ်တန်းအဆင့်များတွင် အင်္ဂလိပ်စာသင်ကြားခြင်းကို ပို၍ အရှိန်မြှင့် အားသွန် သင်ကြားခြင်းသည် ဒေသန္တရတက္ကသိုလ်များတွင် ယခုလက်ရှိ တွေ့ကြုံနေရသော ပြဿနာများအတွက် အဖြေဖြစ်လာမည်လား။ အထက်ပါမေးခွန်းများကို စဉ်းစားဆွေးနွေးရန်နှင့် အရှေ့တောင်အာရှဒေသသာမက အခြားနိုင်ငံများမှပါ ရရှိလာသော သင်ခန်းစာများ မျှဝေမှုကို မြှင့်တင်ပေးရန် မြန်မာနိုင်ငံ၊ ထိုင်းနိုင်ငံ၊ မလေးရှားနိုင်ငံ၊ ဟောင်ကောင်၊ သြစတြေးလျနိုင်ငံနှင့် ယူနိုက်တက်ကင်းဒမ်းနိုင်ငံတို့မှ ပညာရှင်များကို ဗြိတိသျှ အကယ်ဒမီနှင့် ပြင်သစ်နိုင်ငံအရှေ့တိုင်းပညာရပ်များလေ့လာေ ရးကျောင်းတို့မှ ဖိတ်ခေါ်ခဲ့ပါသည်။ လက်ရှိ လုပ်ဆောင်နေဆဲဖြစ်သော မြန်မာနိုင်ငံ၏ ဘက်စုံပါဝင်သည့် ပညာရေးကဏ္ဍ ပြန်လည် သုံးသပ်ချက် လုပ်ငန်းစဉ်အတွက် အချက်အလက်များ ပံ့ပိုးပေးရန်ဟူသော ရည်ရွယ်ချက်ဖြင့် ဤအစီရင်ခံစာသည် ဆွေးနွေးမှုများ၏ ရလာဒ်များကို အနှစ်ချုပ် တင်ပြထားသည့်အပြင် ပေးအပ်လိုသော အဓိက သတင်းစကားများကိုလည်း ဖော်ထုတ်ထားပါသည်။..."