Description:
"ဒီးကညီ
လုၢ်လၢ်အတၢ်ဒုၣ်တၢ်ထုဒီးတၢ်စူၢ်တၢ်နၥ်တဖၣ်အသိးခဲအံၤပရဲၣ်ကျဲၤဒီးထုးထီၣ်လံၥ်တဘ့ၣ်
အံၤန့ၣ်လီၤ.လံၥ်တဘ့ၣ်အံၤတၢ်ထၢဖှိၣ်အီၤလၢကညီသူၣ်က့သးပှၢ်တဖၣ်အတၢ်လဲၤခီဖျိ,နီၢ်
ကစၢ်အတၢ်သ့ၣ်ညါဒီးတနီၤဘၣ်တၢ်ထၢဖှိၣ်ဟံးန့ၢ်အီၤလၢလံၥ်စဲကျံးအသးတဖၣ်အပူၤဒီး
ဟ့ၣ်န့ၢ်အမံၤလၢကညီအတၢ်ဒုၣ်တၢ်ထုဒီးတၢ်စူၢ်တၢ်နၥ်တဖၣ်လီၤ.
လံၥ်တဘ့ၣ်အံၤအတၢ်ပညိၣ်မ့ၢ်လၢကထၢဖှိၣ်ကဒါက့ၤကညီလုၢ်လၢ်အတၢ်ဒုၣ်တၢ်ထုဒီးတၢ်
စူၢ်တၢ်နၥ်တဖၣ်လၢဘူးကလီၤမၢ်လံလၢကညီဖိတဖၣ်အကျါ,မ့ၢ်လၢမုၢ်မဆါတနံၤအံၤကညီ
ဖိအါဒံအါဂၤအတၢ်အိၣ်မူဆီတလဲကွံၥ်အသးဒ်စိၤခ့ခါခဲအံၤအတၢ်လဲၤထီၣ်လဲၤထီတဖၣ်လံ
န့ၣ်လီၤ.တၢ်ဂ့ၢ်လၢလံၥ်အံၤအပူၤတဖၣ်မ့ၢ်ဝဲကညီတၢ်ဒုၣ်တၢ်ထုဒီးတၢ်စူၢ်တၢ်နၥ်ဘၣ်ဃးတၢ်
ပၢၤဃၥ်န့ဆၢၣ်ခိၣ်ဃၢၤ,ကညီအတၢ်လုၢ်အီၣ်သးသမူ,ကညီအတၢ်ဒုၣ်တၢ်ထုလၢဟံၣ်ပူၤဃီ
ပူၤဒီးတၢ်သိၣ်ဖိသိၣ်လံၤ,တၢ်ပနီၣ်ဘျီဆိလၢအဂ့ၤဒီးအတဂ့ၤတဖၣ်,တၢ်ကွၢ်မူခိၣ်ကလံၤ
သီၣ်ဂီၤတၢ်ဆီတလဲဒီးတၢ်ကွၢ်နီၣ်တၢ်ဆၢကတီၢ်,ပှၤကလုၥ်ဂၤဒီးအတၢ်စူၢ်တၢ်နၥ်တဖၣ်ဒီးက
ညီတၢ်စူၢ်တၢ်နၥ်ဘၣ်ဃးတၢ်သူတၢ်ပှိၤတဖၣ်န့ၣ်လီၤ.တၢ်ဂ့ၢ်တဖၣ်ဖဲတၢ်ထၢဖှိၣ်အီၤဝံၤအလီၢ်ခံ
ဘၣ်တၢ်ကွဲးဖျါထီၣ်တၢ်ထံၣ်တနီၤလၢအဘၣ်ထွဲလိၥ်အသးဒီးစဲအ့ၣ်အတၢ်ကူၣ်ဘၣ်ကူၣ်သ့
လၢမုၢ်မဆါတနံၤအံၤတဖၣ်စ့ၢ်ကီးလီၤ.
လံၥ်တဘ့ၣ်အံၤဂ့ၤလၢတၢ်ကပၥ်အီၤလၢလံၥ်ရိဒၢးအပူၤလီၤ.ပစံးဘျုးဘၣ်စ့ၢ်ကီးကညီသူၣ်
က့သးပှၢ်ဒီးကညီဖိတဖၣ်လၢအဟ့ၣ်ထီၣ်အတၢ်သ့ၣ်ညါဒီးအတၢ်လဲၤခီဖျိတဖၣ်လၢပကထုး
ထီၣ်ဘၣ်လံၥ်တဘ့ၣ်အံၤအဂီၢ်လီၤ.လံၥ်အံၤပနၥ်လၢကကဲထီၣ်တၢ်ဘျုးတၢ်ဖှိၣ်လၢကၠိဖိဒီးပှၤ
ဃုသ့ၣ်ညါပှၤထူလံၤဖိအလုၢ်လၢ်ထူသနူတၢ်ဒုၣ်တၢ်ထုဒီးတၢ်စူၢ်တၢ်နၥ်တဖၣ်လီ..."
Source/publisher:
Drum Publication Group
Date of Publication:
2008-03-31
Date of entry:
2019-06-17
Grouping:
- Individual Documents
Category:
Geographic coverage:
- Kanchanaburi
Countries:
Thailand
Language:
Sgaw Karen
Resource Type:
book
Font:
- Unicode