"ဤသင်တန်းလမ်းညွှန်သည် လူကုန်ကူးမှုနှင့် အန္တရာယ်ရှိသော ရွှေ့ပြောင်းသွားလာခြင်း ဆိုင်ရာ သတင်းအချက်အလက်၊ အကြောင်းအရာများကို အခြေခံပြီး ဘဝတွက်တာ ကျွမ်းကျင်စရာ အခြေခံအချက်များကိုလည်း ထည့်သွင်းထားကာ အပြန်အလှန် ပြောဆို ဆွေးနွေးနိုင်သည့် နည်းလမ်းဖြင့် သင်တန်းပေးနိုင်ရန် စီမံရေးဆွဲထားပါသည်။ သင်တန်းတက်ရောက်ပြီးသူများသည် လူကုန်ကူးမှုနှင့် အန္တရာယ်ရှိသော ရွှေ့ပြောင်း သွားလာခြင်းဆိုင်ရာ သတင်းအချက်အလက်၊ အသိပညာ ဗဟုသုတများကို ရရှိသွားပြီး မိမိရပ်ရွာဒေသတွင် ရှိသောသူများအား ပြန်လည်ပြောဆို ဝေမျှနိုင်ရန် ရည်ရွယ်ပါသည်။ ထိုသို့ ပြန်လည်ပြောဆို ဝေမျှခြင်းအားဖြင့် လူတိုင်းတွင် ဘဝတွက်တာ ကျွမ်းကျင်စရာ အခြေခံအချက်များ ရှိပြီး ရရှိထားသော သတင်းအချက်အလက်၊ အသိပညာ ဗဟုသုတ များကို အသုံးပြုကာ လူကုန်ကူးမှု မခံရစေရန်၊ မိမိကိုယ်ကို ကာကွယ်တတ်ရန်နှင့် လူကုန်ကူးခံရပြီးပါကလည်း မိမိ၏ လူမှုဝန်းကျင်တွင် ပုံမှန်ပြန်လည် နေထိုင်နိုင်စေရန် ဖြစ်ပါသည်။..."