ဤနိုးဆော်မှုများသည် မြန်မာနိုင်ငံ၏ ရေရှည်တည်တံ့ခိုင်မြဲသော ဖွံ့ဖြိုးရေး ကဏ္ဍများတွင်ပါဝင်မည့် အဖွဲ့အစည်းများ၊ တသီးပုဂ္ဂလများအတွက် အချက်အလက်ရင်းမြစ်များပင် ဖြစ်သည်။ ဤအချက်အလက် ရင်းမြစ်များသည် ရေရှည်တည်တံ့ခိုင်မြဲသောဖွံ့ဖြိုးရေးအယူအဆ၊ မြန်မာ အစိုးရ၏ တာဝန်ဝတ္တရားများနှင့် ဆောင်ရွက်ရန်ရှိသည့်အချက်အလက်များကိုဖော်ပြသည်။ ရေရှည်တည်တံ့ခိုင်မြဲသောဖွံ့ဖြိုးရေးသည် နိုင်ငံ၏သဘာဝသယံဇာတအရင်းအမြစ်နှင့် ပတ်ဝန်းကျင်ကို ထိခိုက်ပျက်စီးစေမှု မရှိဘဲ လူသားတို့၏လိုအပ်ချက်၊ အထူးသဖြင့် အမှန်တကယ်အကာအကွယ့်မဲ့ဒုက္ခရောက်လျက်ရှိသော လူမှုအဖွဲ့အစည်းများ၏ လိုအပ်ချက်ကို တိုက်ရိုက်အကျိုးသက်ရောက်စေမည့် ဖွံ့ဖြိုးရေး ဖြစ်သည်။ ရေရှည်တည်တံ့ခိုင်မြဲသော ဖွံ့ဖြိုးရေးသည် သဘာဝကမ္ဘာမြေကြီး နှင့် လူနေထိုင်မှုဘဝတို့ကို ကဏ္ဍပေါင်းစုံဖြင့် ဆက်စပ်လျက်ရှိသည်။ ကဏ္ဍပေါင်းစုံဟုဆိုရာတွင် ဇီဝမျိုးကွဲများ (သဘာဝပတ်ဝန်းကျင်အတွင်း ကွဲပြားမှုအမျိုးမျိုး)၊ မြေယာ (သတ္တုတွင်းတူးဖော်ခြင်း အပါအဝင်)၊ သစ်တောများ၊ စိုက်ပျိုးရေး၊ ရေ၊ စွမ်းအင်နှင့် စီးပွားရေးတို့ဖြစ်သည်။...