Working Inside the Triangles: Engaging with locally led peace initiatives in Myanmar - တြိဂံများအတွင်း အလုပ်လုပ်ခြင်း၊ မြန်မာပြည်အတွင်း ဒေသခံများဦးဆောင်သော ငြိမ်းချမ်းရေး အစပျိုးုလုပ်ငန်းများ၌ ပါဝင်ပတ်သက်လုပ်ဆောင်ခြင်း....." အတွေ့အကြုံများလှသော မြန်မာ့အရေးသုံးသပ်သူများမှအစ စာတွေ့ဝေဖန်ကြသူများကဲ့သို့သောသူများအထိ မြန်မာ့အရေးအစီရင်ခံသူများသည် မြန်မာ့ဗဟိုနိုင်ငံရေး ဖွဲ့စည်းတည်ဆောက်ပုံအတွင်း ဖြစ်ပေါ်လျက်ရှိသော သုံးပွင့်ဆိုင်အာဏာလွန်ဆွဲမှုကို ရုတ်ချည်းညွှန်ပြနိုင်ကြမည်ဖြစ်သည်။ ထိုတြိဂံ၏ အနားသုံးဖက်မှာ နိုင်ငံတော်အုပ်ချုပ်မှုကဏ္ဍ (သမ္မတသိန်းစိန်နှင့်သူ၏အနီးကပ်အကြံပေးများ)၊ လွှတ်တော်နှင့် မြန်မာ့တပ်မတော်တို့ပင်ဖြစ်သည်။ ထိုလွန်ဆွဲမှုအတွင်း သမ္မတသိန်းစိန်သည် သူ၏အကြံပေးပုဂ္ဂိုလ်များ အားပေးထောက်ခံမှုဖြင့် ရည်မှန်းချက်ကြီးမားလှသော ပြုပြင်ပြောင်းလဲရေးနှင့် အသွင်ကူးပြောင်းရေးအစီအစဉ်တရပ်အား အားကြိုးမာန်တက်လုပ်ဆောင်လာခဲ့သည်။ အကြံပေးပုဂ္ဂိုလ်များမှလည်း များစွာသောတိုင်းရင်းသားလက်နက်ကိုင်အဖွဲ့များနှင့် ပြုလုပ်သော ငြိမ်းချမ်းရေးဆွေးနွေးပွဲများတွင် ဦးဆောင်ဦးရွက်ပြုလာကြသည်။ အဓိက အကြံပေးပုဂ္ဂိုလ်များ၏ ကိုယ်ရေးရာဇဝင်နှင့် ပင်ကိုယ်စရိုက်အရည်အသွေးတို့သည် ပြုပြင်ပြောင်းလဲရေးနှင့် ငြိမ်းချမ်းရေးဖြစ်စဉ်အတွက် နက်နဲစွာ အကျိုးသက်ရောက်မှုရှီစေပါသည်။