"ဖဲၣ်ဒရဲၣ်ကီၢ်စၢဖှိၣ်အံၤ တၢ်ကဘၣ်သူၣ်ထီၣ်အီၤသၦၢ်ကတၢၢ်အဃိ ဖဲတၢ်ကသူၣ်ထီၣ်၀ဲဖဲၣ်ဒရဲၣ် ကီၢ်စၢဖှိၣ်အခါန့ၣ် ကဘၣ်ထဲးဂံၢ်ထဲဘါဂုာ်ကျဲးစၢး ဒ်သိးတၢ်ဂဲၤကလံၣ်ဒိအသိးႇ တလီၤဘှံးလီၤတီၤႇ အိၣ်ဒီးတၢ်နံၤကမှံ တုၤဖီတၢၣ် တစုအဂ့ၢ်န့ၣ် ကီၢ်ခိၣ် အူ၀့မၠ့ၣ် ဟ့ၣ်သဆၣ်ထီၣ်စံးလီၤ၀ဲဖဲ ၆၄ နံၣ် ကညီကီၢ်စဲၣ်မုၢ်နံၤမူး အတၢ်ရဲၣ်တၢ်ကျဲၤ အပူၤန့ၣ်လီၤႉ ကီၢ်ခိၣ်အူ၀့မၠ့ၣ်စံး၀ဲ“ဖဲလၢပ၀ဲသ့ၣ်တဖၣ်ပဂုာ်ကျဲးစၢးထဲးဂံၢ်ထဲးဘါဒီးဟံးထီၣ်ဖီၣ်ထီၣ်အီၤအဆၢကတီၢ်န့ၣ် ထဲဒၣ် ပ၀ဲသ့ၣ်တဖၣ်န့ၣ်တ၀ံၤတၢ်ဘၣ်ႉ ပကအိၣ်ဃူအိၣ်ဖိးဒီးဟံးထီၣ်ဖီၣ်ထီၣ်သကိးႇ ဒ်သိးဒီးတၢ်ဂဲၤကလံၣ်ဒိအသိး ဟံးထီၣ်ဖီၣ်ထီၣ်အီၤ ဃူဃူဖိးဖိးဒီး ပကတုၤ၀ဲဒၣ်လၢဖီတၢၣ်အံၤန့ၣ်လီၤႉ မ့ၢ်ဘၣ်တဲအနီၢ်ကီၢ်န့ၣ် လၢတၢ်ကသူၣ် ထီၣ်ဖဲၣ်ဒရၢၣ်ကီၢ်စၢဖှိၣ်န့ၣ် ကဘၣ်မ့ၢ်၀ဲ တၢ်ကဘၣ်သူၣ်ထီၣ်အီၤ ဒ်ကလုာ်ဒူၣ်တဖၣ်ခဲလၢာ် တၢ်ဘၣ်သး အဖီခိၣ်အသိးလီၤ” စံးလီၤ၀ဲဒၣ်ဖဲ တၢ်အိးထီၣ်တၢ်ရဲၣ်တၢ်ကျဲၤမူးအပူၤန့ၣ်လီၤႉ..."